ប្រធានាធិបតីបេឡារុស្សលោក Alexander Lukashenko និយាយថា យន្តហោះចម្បាំង SU-24 របស់យោធាបេឡារុស្សត្រូវបានកែប្រែ ដើម្បីបំពាក់អាវុធនុយក្លេអ៊ែរ ហើយទីក្រុង Minsk នឹងប្រតិកម្មភ្លាមៗ ប្រសិនបើលោកខាងលិចបង្កបញ្ហាណាមួយនោះ ។
មេដឹកនាំផ្តាច់ការបេឡារុស្ស Lukashenko បាននិយាយថា គាត់បានយល់ព្រមលើការផ្លាស់ប្តូរ ដើម្បីធ្វើទំនើបកម្មយន្តហោះចម្បាំងបេឡារុស្សជាមួយប្រធានាធិបតីរុស្ស៊ីលោក វ្ល៉ាឌីមៀរ ពូទីន នេះបើយោងតាមការចេញផ្សាយដោយសារព័ត៌មាន Al Jazeera ។
បេឡារុស្ស ដែលជាសម្ពន្ធមិត្តដ៏រឹងមាំរបស់ទីក្រុងម៉ូស្គូ ប៉ុន្តែប្រទេសនេះមិនមានអាវុធនុយក្លេអ៊ែរផ្ទាល់ខ្លួនទេ ។
លោក Lukashenko ដែលបានអនុញ្ញាតឱ្យកងកម្លាំងរុស្ស៊ីប្រើទឹកដីបេឡារុស្សដើម្បីបើកការវាយប្រហារប្រឆាំងនឹងអ៊ុយក្រែន មិនបានធ្វើសេចក្តីថ្លែងការលម្អិតថា តើនឹងមានការផ្ទេរអាវុធនុយក្លេអ៊ែរពីទីក្រុងម៉ូស្គូឬក៏យ៉ាងណានោះទេ ។