យោធាកូរ៉េខាងត្បូងបាននិយាយកាលពីថ្ងៃចន្ទថា ខ្លួនបានតាមដានបាឡុងរបស់កូរ៉េខាងជើងនៅលើទឹកដីរបស់ខ្លួន ប៉ុន្តែបានកំណត់ថា វាមិនបង្កការគំរាមកំហែងនោះទេ ។
ក្រសួងការពារជាតិកូរ៉េខាងត្បូងបាននិយាយនៅក្នុងសេចក្តីថ្លែងការណ៍មួយថា បាឡុងនេះបានចូលទៅក្នុងដែនអាកាសកូរ៉េខាងត្បូងមួយរយៈពេលខ្លីកាលពីថ្ងៃអាទិត្យ ។
បាឡុងនេះបានចាកចេញពីដែនអាកាសកូរ៉េខាងត្បូងប៉ុន្មានម៉ោងក្រោយមក ហើយក្រុមមន្ត្រីជឿថា វាជាបាឡុងតាមអាកាសធាតុដែលមិនមានគោលបំណងសម្រាប់សកម្មភាពចារកម្ម នេះបើយោងតាមការលើកឡើងរបស់មន្ត្រីមិនបញ្ចេញឈ្មោះម្នាក់ ។
របាយការណ៍នេះកើតឡើងបន្ទាប់ពីសហរដ្ឋអាម៉េរិកបានបាញ់ទម្លាក់បាឡុងដែលគេសង្ស័យថា ជាបាឡុងស៊ើបការណ៍ចិន បានធ្វើឱ្យទំនាក់ទំនងរបស់អាម៉េរិកកាន់តែតានតឹងជាមួយទីក្រុងប៉េកាំង ដែលបាននិយាយថា បាឡុងនេះគឺជានាវាអាកាសស៊ីវិល ដែលបានវង្វេងចូលដែនអាកាសអាម៉េរិកដោយចៃដន្យប៉ុណ្ណោះ ។
ប្រភព ៖ Reuters
By Suon Visal
