ក្រសួងការពារជាតិតៃវ៉ាន់បាននិយាយថា តៃវ៉ាន់នឹងចាប់ផ្តើមដាក់ពង្រាយប្រព័ន្ធការពារយន្តហោះគ្មានមនុស្សបើកនៅលើកោះឈូងសមុទ្ររបស់ខ្លួនចាប់ពីឆ្នាំក្រោយទៅ បន្ទាប់ពីមានវីដេអូលេចចេញនូវទាហានតៃវ៉ាន់គប់ដុំថ្មទៅលើយន្តហោះគ្មានមនុស្សបើករបស់ចិន នេះបើយោងតាមការចេញផ្សាយដោយសារព័ត៌មាន Reuters ។
តៃវ៉ាន់បានត្អូញត្អែរពីការលុកលុយរបស់យន្តហោះគ្មានមនុស្សបើករបស់ចិនម្តងហើយម្តងទៀតនៅជិតកោះឈូងសមុទ្ររបស់ខ្លួនដែលជាផ្នែកនៃល្បែងសង្គ្រាម និងសមយុទ្ធរបស់ចិនបន្ទាប់ពីដំណើរទស្សនកិច្ចរបស់ប្រធានសភាអាម៉េរិក Nancy Pelosi ទៅកាន់ទីក្រុងតៃប៉ិក្នុងខែនេះ ដែលបានធ្វើឱ្យទីក្រុងប៉េកាំងខឹងសម្បារ ។
ឃ្លីបវីដេអូខ្លីដែលត្រូវបានផ្សព្វផ្សាយជាលើកដំបូងនៅលើប្រព័ន្ធផ្សព្វផ្សាយសង្គមរបស់ចិន បានបង្ហាញពីទាហានពីរនាក់គប់ដុំថ្មទៅលើយន្តហោះគ្មានមនុស្សបើករបស់ចិនដែលកំពុងហោះនៅជិតប៉ុស្តិ៍យាមរបស់ពួកគេ ។
នៅក្នុងសេចក្តីថ្លែងការណ៍មួយកាលពីល្ងាចថ្ងៃពុធ ទីបញ្ជាការការពារជាតិរបស់កោះ Kinmen ដែលជាក្រុមប្រជុំកោះដែលគ្រប់គ្រងដោយតៃវ៉ាន់ ដែលស្ថិតនៅទល់មុខទីក្រុង Xiamen និង Quanzhou របស់ប្រទេសចិន បាននិយាយថា ឧបទ្ទវហេតុនេះបានកើតឡើងនៅថ្ងៃទី 16 ខែសីហា នៅលើកោះ Erdan ហើយបានបញ្ជាក់ថា ទាហានបានគប់ដុំថ្មទៅលើយន្តហោះគ្មានមនុស្សបើកស៊ីវិល ។
(រូបតំណាង