សិង្ហបុរីបានចូលរួមជាមួយលោកខាងលិចក្នុងការដាក់ទណ្ឌកម្មលើរុស្ស៊ី សម្រាប់ការលុកលុយអ៊ុយក្រែនកាលពីដើមឆ្នាំ2022 ។ ក្រោយមករដ្ឋាភិបាលរបស់សិង្ហបុរីត្រូវបានទីក្រុងម៉ូស្គូចាត់ចូលទៅក្នុងបញ្ជីឈ្មោះប្រទេស “អមិត្ត” ។
ក្នុងបញ្ជីនោះភាគច្រើនមានសហរដ្ឋអាម៉េរិក សម្ពន្ធមិត្តលោកខាងលិច និងបណ្ដាប្រទេសសេដ្ឋកិច្ចលូតលាស់ធំៗក្នុងតំបន់អាស៊ីដូចជា ប្រទេសជប៉ុន កូរ៉េខាងត្បូង និងកោះតៃវ៉ាន់ផងដែរ ។
រដ្ឋាភិបាលរបស់ប្រទេសទាំងនោះ បានបង្កើនវិធានការដាក់ទណ្ឌកម្មលើសេដ្ឋកិច្ចរបស់ប្រទេសរុស្ស៊ីបន្ថែមទៀត ហើយពួកគេហាក់ដូចជាពន្លឿនក្នុងការគាំទ្រដល់ប្រទេសអ៊ុយក្រែនសម្បើមណាស់ក្នុងរយៈពេលប៉ុន្មានថ្ងៃចុងក្រោយនេះ ។
