ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃព្រហស្បតិ៍ថា រុស្ស៊ីបានត្រៀមខ្លួនរួចជាស្រេចក្នុងការចូលរួមការចរចាសន្តិភាពជាមួយអ៊ុយក្រែន ប៉ុន្តែបានព្រមានទៅកាន់អ្នកដែលបដិសេធការចរចាថា ការអូសបន្លាយជម្លោះដែលកំពុងបន្តនឹងធ្វើឱ្យកិច្ចពិភាក្សាបែបនេះកាន់តែពិបាកកើតឡើង ។
លោកពូទីនបាននិយាយថា “យើងមិនបដិសេធ ការចរចាសន្តិភាពទេ ប៉ុន្តែអ្នកដែលបដិសេធការចរចាគួរតែដឹងហើយថាពួកគេធ្វើសង្រ្គាមកាន់តែយូរ ពួកគេនឹងកាន់តែលំបាកក្នុងការចរចា” ។
លោក ពូទីន បានបន្តថា សព្វថ្ងៃនេះយើងឮថា គេចង់ឲ្យយើងចាញ់នៅក្នុងសមរភូមិ ។ អញ្ចឹងតើខ្ញុំអាចនិយាយអ្វីបាន? អនុញ្ញាតឱ្យពួកគេព្យាយាមសិនចុះ ព្រោះយើងមិនទាន់បានចាប់ផ្តើមអ្វីនៅឡើយទេ ។
លោកពូទីនក៏បាននិយាយផងដែរថា លោកខាងលិចហាក់ដូចជាមានឆន្ទៈ “ប្រយុទ្ធរហូតដល់អ៊ុយក្រែនសល់ទាហានតែម្នាក់ “។ គាត់បាននិយាយថា នេះជា”សោកនាដកម្ម” សម្រាប់ប្រជាជនអ៊ុយក្រែន ។
ប្រភព ៖ RT