ទីភ្នាក់ងារជលផលរបស់ប្រទេសជប៉ុនបាននិយាយនៅថ្ងៃសៅរ៍នេះថា ត្រីដែលត្រូវបានធ្វើតេស្តនៅក្នុងទឹកជុំវិញរោងចក្រនុយក្លេអ៊ែរហ្វូគូស៊ីម៉ាដែលបានបង្ហូរទឹកវិទ្យុសកម្មនោះមិនមានកម្រិតអ៊ីសូតូប ទ្រីទីយ៉ូម វិទ្យុសកម្មដែលអាចរកឃើញបានទេ ។
ការធ្វើតេស្តដែលបានធ្វើឡើងកាលពីថ្ងៃព្រហស្បតិ៍ នៅពេលដែលប្រតិបត្តិកររោងចក្រ Tokyo Electric Power Company (Tepco) បានចាប់ផ្តើមបញ្ចេញទឹកវិទ្យុសកម្មដែលត្រូវបានបន្សុតរួចចូលទៅក្នុងមហាសមុទ្រប៉ាស៊ីហ្វិក ធ្វើឱ្យអ្នកនេសាទនិងអ្នកផ្សេងទៀតជាច្រើននៅក្នុងប្រទេសជប៉ុនខឹងសម្បារ រួមទាំងប្រទេសជិតខាង និងជំរុញឱ្យប្រទេសចិនហាមឃាត់ការនាំចូលផលិតផលជលផលជប៉ុនទាំងអស់ផងដែរ ។
ទីភ្នាក់ងារនេះគ្រោងនឹងប្រកាសលទ្ធផលតេស្តជារៀងរាល់ថ្ងៃ ។ ក្រុមហ៊ុន Tepco បាននិយាយកាលពីថ្ងៃសុក្រថា ទឹកសមុទ្រនៅជិតរោងចក្រនេះមានផ្ទុកសារធាតុទ្រីទីយ៉ូម តិចជាង 10 becquerels ក្នុងមួយលីត្រ ក្រោមដែនកំណត់គឺ 700 becquerel និងទាបជាងដែនកំណត់របស់អង្គការសុខភាពពិភពលោកដែលមានចំនួន 10,000 becquerel សម្រាប់ទឹកផឹក ។
បន្ទាប់ពីការជជែកដេញដោលគ្នាយ៉ាងយូរ រដ្ឋាភិបាលរបស់នាយករដ្ឋមន្ត្រី Fumio Kishida បានសម្រេចចិត្តកាលពីថ្ងៃអង្គារដើម្បីអនុញ្ញាតឱ្យបញ្ចេញទឹកវិទ្យុសកម្មដែលបន្សុតរួចចំនួន ១,៣ លានតោនពីរោងចក្រថាមពលនុយក្លេអ៊ែរ Fukushima ដែលបានបំផ្លាញដោយរលកយក្សស៊ូណាមិឆ្នាំ២០១១ ។
(Becquerels គឺជាឯកតានៃវិទ្យុសកម្មដែលវាស់ចំនួននៃការបំផ្លាញរបស់វិទ្យុសកម្មក្នុងមួយវិនាទី។)
