ប្រទេសចិនបានហៅការបាញ់សម្លាប់អតីតនាយករដ្ឋមន្ត្រីជប៉ុន Shinzo Abe ថាជា “ឧប្បត្តិហេតុនយោបាយដ៏ធំបំផុត” នៅក្នុងសង្គមនយោបាយរបស់ប្រទេសនេះ បន្ទាប់ពីសង្គ្រាមលោកលើកទី 2 ដោយនិយាយថា ហេតុផលនយោបាយប្រហែលជានៅពីក្រោយការវាយប្រហារនេះ ។
ប្រភពពីបក្សកាន់អំណាចបាននិយាយថា លោក Abe សមាជិកសភាអាយុ 67 ឆ្នាំដែលបានក្លាយជានាយករដ្ឋមន្ត្រីកាន់អំណាចយូរជាងគេបំផុតរបស់ប្រទេសនេះបានទទួលមរណភាពប្រហែលប្រាំម៉ោង បន្ទាប់ពីគាត់ត្រូវបានខ្មាន់កាំភ្លើងបាញ់សម្លាប់ពេលកំពុងធ្វើយុទ្ធនាការសម្រាប់ការបោះឆ្នោតព្រឹទ្ធសភានៅថ្ងៃអាទិត្យខាងមុខ នៅទីក្រុងណារ៉ាភាគខាងលិចនៃប្រទេស ។ .
មុនពេលដំណឹងមរណភាពរបស់លោក អាបេ អ្នកនាំពាក្យក្រសួងការបរទេសចិន លោក Zhao Lijian បានសម្តែងក្តីសង្ឃឹមថា លោកនឹងជាសះស្បើយឆាប់បំផុតតាមដែលអាចធ្វើទៅបាន ។
លោក Zhao បានប្រាប់អ្នកយកព័ត៌មានថា “យើងមានការភ្ញាក់ផ្អើលយ៉ាងខ្លាំងដែលបានឮអំពីឧបទ្ទវហេតុភ្លាមៗ ។ យើងព្រួយបារម្ភអំពីការវិវត្តនៃស្ថានភាពរបស់លោក Abe ” ។
ប្រភព ៖ Kyodo News