ចិនសំដែងការមិនពេញចិត្តចំពោះសហរដ្ឋអាម៉េរិក បន្ទាប់ពីលោក ចូ​ បៃដិន បាននិយាយថា កងកម្លាំងសហរដ្ឋអាម៉េរិកនឹងការពារកោះតៃវ៉ាន់ក្នុងករណីមានការឈ្លានពានពីសំណាក់ប្រទេសចិន
Read Time:1 Minute, 57 Second
Views:121

ចិនសំដែងការមិនពេញចិត្តចំពោះសហរដ្ឋអាម៉េរិក បន្ទាប់ពីលោក ចូ​ បៃដិន បាននិយាយថា កងកម្លាំងសហរដ្ឋអាម៉េរិកនឹងការពារកោះតៃវ៉ាន់ក្នុងករណីមានការឈ្លានពានពីសំណាក់ប្រទេសចិន

0 0

ក្រសួងការបរទេសចិនបាននិយាយកាលពីថ្ងៃចន្ទថា ប្រទេសចិនបានដាក់លិខិតសំដែងការមិនពេញចិត្តយ៉ាងខ្លាំងជាមួយសហរដ្ឋអាម៉េរិក បន្ទាប់ពីប្រធានាធិបតីសហរដ្ឋអាម៉េរិកលោក ចូ​ បៃដិន បាននិយាយថា កងកម្លាំងសហរដ្ឋអាម៉េរិកនឹងការពារកោះតៃវ៉ាន់ក្នុងករណីមានការឈ្លានពានពីសំណាក់ប្រទេសចិន ។

លោកស្រី Mao Ning អ្នកនាំពាក្យក្រសួងការបរទេសចិន បាននិយាយនៅក្នុងសន្និសីទសារព័ត៌មាន​ថា ប្រទេសចិនរក្សាសិទ្ធិក្នុងការចាត់វិធានការចាំបាច់ទាំងអស់ ដើម្បីឆ្លើយតបទៅនឹងសកម្មភាពដែលបំបែកបំបាក់ជាតិចិន ។ លោកស្រីបានបន្តថា​ យើងមានឆន្ទៈក្នុងការខិតខំប្រឹងប្រែងឱ្យអស់ពីសមត្ថភាព ដើម្បីធ្វើការបង្រួបបង្រួមដោយសន្តិវិធី ។ ក្នុងពេលជាមួយគ្នានេះ យើងនឹងមិនអត់ឱនចំពោះសកម្មភាពណាមួយដែលមានបំណងចង់បំបែកខ្លួនឡើយ ។

លោកស្រីក៏បានជំរុញឱ្យសហរដ្ឋអាម៉េរិកដោះស្រាយបញ្ហាពាក់ព័ន្ធនឹងតៃវ៉ាន់ “ដោយប្រុងប្រយ័ត្ន និងត្រឹមត្រូវ” និងមិនត្រូវបញ្ជូន “សញ្ញាខុស” ទៅកាន់កងកម្លាំងបំបែកខ្លួនឯករាជ្យតៃវ៉ាន់ ដោយព្រមានសហរដ្ឋអាម៉េរិកកុំធ្វើឱ្យខូចទំនាក់ទំនងចិន-អាម៉េរិក និងសន្តិភាពនៅច្រកសមុទ្រតៃវ៉ាន់។

លោកស្រី Mao បានមានប្រសាសន៍ថា “មានប្រទេសចិនតែមួយគត់នៅលើពិភពលោក តៃវ៉ាន់ជាផ្នែកមួយនៃប្រទេសចិន ហើយរដ្ឋាភិបាលនៃសាធារណរដ្ឋប្រជាមានិតចិនគឺជារដ្ឋាភិបាលស្របច្បាប់តែមួយគត់របស់ប្រទេសចិន” ។

Happy
Happy
0 %
Sad
Sad
0 %
Excited
Excited
100 %
Sleepy
Sleepy
0 %
Angry
Angry
0 %
Surprise
Surprise
0 %

Leave a Reply

Your email address will not be published.

Previous post អ៊ុយក្រែននិយាយថា រុស្ស៊ីវាយប្រហាររោងចក្រថាមពលនុយក្លេអ៊ែរ Pivdennoukrainsk ក្នុងតំបន់ Mykolaiv
Next post រុស្ស៊ីនិយាយថា ការអះអាងដែលថា មានផ្នូរដ៏ធំត្រូវបានរកឃើញបន្ទាប់ពីកងកម្លាំងរុស្ស៊ីចាកចេញពីទីក្រុង Izyum ​គឺជាពាក្យកុហក