ស្ថានទូតចិនប្រចាំប្រទេសជប៉ុនបាននិយាយនៅថ្ងៃអាទិត្យនេះថា ប្រទេសចិនបានបន្តការចេញទិដ្ឋាការធម្មតាសម្រាប់ពលរដ្ឋជប៉ុនដែលធ្វើដំណើរទៅកាន់ប្រទេសនេះ ក្នុងសកម្មភាពមួយដែលអាចបន្ធូរបន្ថយជម្លោះការទូតរវាងប្រទេសទាំង២ ។
ស្ថានទូតចិនបាននិយាយនៅក្នុងសេចក្តីថ្លែងការណ៍មួយដែលចូលជាធរមាននៅថ្ងៃអាទិត្យថា ស្ថានទូត និងស្ថានកុងស៊ុលចិននៅប្រទេសជប៉ុននឹងបន្តការប្រឡង និងការចេញទិដ្ឋាការធម្មតាសម្រាប់ពលរដ្ឋជប៉ុនទៅកាន់ប្រទេសចិន ។
ប្រទេសចិនក្នុងខែនេះ បានបញ្ឈប់ការចេញទិដ្ឋាការសម្រាប់ជនជាតិជប៉ុន បន្ទាប់ពីប្រទេសជប៉ុនបានរឹតបន្តឹងច្បាប់គ្រប់គ្រងព្រំដែនកូវីដ-19 សម្រាប់អ្នកដំណើរដែលមកដោយផ្ទាល់ពីប្រទេសចិន ។
ជប៉ុនបានតវ៉ាទៅប្រទេសចិនជុំវិញការផ្អាកទិដ្ឋាការសម្រាប់ពលរដ្ឋជប៉ុន ដោយស្នើឲ្យរដ្ឋាភិបាលក្រុងប៉េកាំងលុបចោលសកម្មភាពនេះ ។
ប្រភព ៖ Reuters
Translate by Suon Visal
