ចក្រភពអង់គ្លេសប្រកាសផ្ដល់ជំនួយយោធាចំនួន1.2 ពាន់លានដុល្លារបន្ថែមទៀតដល់អ៊ុយក្រែន ។
Read Time:3 Minute, 0 Second
Views:102

ចក្រភពអង់គ្លេសប្រកាសផ្ដល់ជំនួយយោធាចំនួន1.2 ពាន់លានដុល្លារបន្ថែមទៀតដល់អ៊ុយក្រែន ។

0 0

រដ្ឋាភិបាលអង់គ្លេសបាននិយាយកាលពីថ្ងៃពុធថា ចក្រភពអង់គ្លេសនឹងផ្តល់ជំនួយផ្នែកយោធាចំនួន 1 ពាន់លានផោន ឬស្មើនឹង (1.2 ពាន់លានដុល្លារ) បន្ថែមទៀតដល់អ៊ុយក្រែន ខណៈដែលអង្គការណាតូបានចាត់ទុកប្រទេសរុស្ស៊ីថាជា “ការគំរាមកំហែងដោយផ្ទាល់” ដ៏ធំបំផុតចំពោះសន្តិសុខលោកខាងលិច។

ជំនួយនេះនឹងឆ្ពោះទៅរកការបង្កើនសមត្ថភាពការពារជាតិរបស់អ៊ុយក្រែន រួមទាំងប្រព័ន្ធការពារដែនអាកាស យន្តហោះគ្មានមនុស្សបើក ឧបករណ៍សង្គ្រាមអេឡិចត្រូនិចថ្មី និងសម្ភារៈរាប់ពាន់សម្រាប់ទាហានអ៊ុយក្រែន។

នាយករដ្ឋមន្ត្រី Boris Johnson បាននិយាយនៅក្នុងសេចក្តីថ្លែងការណ៍មួយថា “អាវុធ បរិក្ខារ និងការហ្វឹកហ្វឺនរបស់ចក្រភពអង់គ្លេស កំពុងបង្កើនការការពាររបស់អ៊ុយក្រែនប្រឆាំងនឹងការវាយលុករបស់រុស្ស៊ី ហើយយើងនឹងបន្តឈរនៅពីក្រោយប្រជាជនអ៊ុយក្រែន ដើម្បីធានាថា លោក Putin នឹងបរាជ័យក្នុងសង្រ្គាមនៅប្រទេសអ៊ុយក្រែន” ។

ការផ្តល់ជំនួយនេះកើតឡើងបន្ទាប់ពីចក្រភពអង់គ្លេសបាននិយាយកាលពីខែឧសភាថា ខ្លួននឹងផ្តល់ជំនួយផ្នែកយោធា និងជំនួយបន្ថែមចំនួន 1.3 ពាន់លានផោនដល់អ៊ុយក្រែន ។

កងទ័ពអ៊ុយក្រែនក៏បានចាប់ផ្តើមការហ្វឹកហ្វឺនក្នុងប្រទេសអង់គ្លេសផងដែរ បន្ទាប់ពីលោក Johnson បានផ្តល់ការបើកប្រតិបត្តិការដ៏សំខាន់មួយក្នុងការបណ្តុះបណ្តាលទាហានរហូតដល់ 10,000 នាក់រៀងរាល់ 120 ថ្ងៃម្តង។

នៅឯកិច្ចប្រជុំកំពូលរបស់អង្គការណាតូ ដែលគ្របដណ្ដប់ដោយការឈ្លានពានរបស់រុស្ស៊ី ដែលទីក្រុងម៉ូស្គូនិយាយថាជា “ប្រតិបត្តិការយោធាពិសេស” ដើម្បីកម្ចាត់អ៊ុយក្រែនពីអ្នកជាតិនិយមដ៏គ្រោះថ្នាក់ ណាតូបានយល់ព្រមផែនការធ្វើទំនើបកម្មកងកម្លាំងប្រដាប់អាវុធរបស់ទីក្រុងគៀវ ដោយនិយាយថា ខ្លួននឹងឈរនៅពីក្រោយវីរភាពការពារប្រទេសដ៏ក្លាហានរបស់អ៊ុយក្រែន។

ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បាននិយាយនៅក្នុងវីដេអូភ្ជាប់ជាមួយកិច្ចប្រជុំកំពូលនៅទីក្រុងម៉ាឌ្រីដថា អ៊ុយក្រែនត្រូវការ ៥ ពាន់លានដុល្លារក្នុងមួយខែសម្រាប់វិស័យការពារជាតិ និងសម្រាប់គាំពារដល់សេដ្ឋកិច្ចរបស់ខ្លួន ។

ប្រភព ៖ Reuters

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Leave a Reply

Your email address will not be published.

Previous post អតីតទាហានអាម៉េរិកម្នាក់ដែលត្រូវបានរុស្ស៊ីចាប់ខ្លួននៅភាគខាងកើតអ៊ុយក្រែន បាននិយាយថា គាត់មិនបានបាញ់មួយគ្រាប់ឡើយ នៅពេលដែលគាត់កំពុងប្រយុទ្ធឱ្យភាគីអ៊ុយក្រែន
Next post ចិនប្រាប់ឲ្យG7 ឈប់ជ្រៀតជ្រែកកិច្ចការផ្ទៃក្នុងរបស់ខ្លួន ។