ក្រុមហ៊ុនផលិតអំបិលដ៏ធំបំផុតរបស់ប្រទេសចិនបានជំរុញឱ្យប្រជាជនកុំស្លន់ស្លោក្នុងការទិញអំបិលស្តុកទុក បន្ទាប់ពីប្រទេសជប៉ុនបានចាប់ផ្តើមបញ្ចេញទឹកវិទ្យុសកម្មដែលត្រូវបានព្យាបាលចូលទៅក្នុងមហាសមុទ្រប៉ាស៊ីហ្វិកពីរោងចក្រនុយក្លេអ៊ែរ Fukushima កាលពីថ្ងៃព្រហស្បតិ៍ បើទោះបីជាមានការប្រឆាំងយ៉ាងខ្លាំងពីទីក្រុងប៉េកាំងក៏ដោយ ។
ក្រុមឧស្សាហកម្មអំបិលជាតិគ្រប់គ្រងដោយរដ្ឋ ដែលជាអ្នកផលិតអំបិលធំបំផុតរបស់ពិភពលោកបាននិយាយនៅក្នុងសេចក្តីថ្លែងការណ៍មួយដែលបានចេញផ្សាយថា ខ្លួនកំពុងបង្កើនការផ្គត់ផ្គង់ ខណៈដែលប្រជាជននៅក្នុងតំបន់មួយចំនួននៃប្រទេសចិនបានប្រញាប់ប្រញាល់ស្តុកទុក ។
ប្រទេសចិនបានប្រឆាំងនឹងសកម្មភាពរបស់ប្រទេសជប៉ុន ដោយនិយាយថា រដ្ឋាភិបាលជប៉ុនមិនបានបង្ហាញថា ទឹកដែលហូរចេញនឹងមានសុវត្ថិភាព និងបានហាមឃាត់ការនាំចូលផលិតផលជលផលទាំងអស់ពីប្រទេសជប៉ុន ។
ក្រុមឧស្សាហកម្មអំបិលជាតិបាននិយាយនៅក្នុងសេចក្តីថ្លែងការណ៍របស់ខ្លួនថា “យើងកំពុងធ្វើការបន្ថែមម៉ោងដើម្បីផលិត ចែកចាយ និងខិតខំប្រឹងប្រែងទាំងអស់ដើម្បីធានាការផ្គត់ផ្គង់ទីផ្សារ” ។ សេចក្តីថ្លែងការណ៍បានបន្ថែថា “សូមទិញដោយសមហេតុផល ហើយកុំភ័យស្លន់ស្លោ ទិញដោយងងឹតងងុល”។
Reuters
