មន្ទីរបញ្ចកោណបាននិយាយកាលពីថ្ងៃសុក្រថា ក្រសួងការបរទេសសហរដ្ឋអាម៉េរិកបានអនុម័តការលក់ប្រព័ន្ធរ៉ុក្កែត HIMARS ទៅប្រទេសអេស្តូនី លក់មីស៊ីលទៅប្រទេសន័រវេស និងមីស៊ីលបាញ់ក្រោមទឹក torpedo ទៅកាន់កូរ៉េខាងត្បូងនៅក្នុងកិច្ចព្រមព្រៀងដាច់ដោយឡែកពីគ្នាដែលអាចមានតម្លៃជាង 1.5 ពាន់លានដុល្លារ។
ការលក់នេះកើតឡើងខណៈប្រទេសនៅអឺរ៉ុបបង្កើនការទិញសព្វាវុធបន្ទាប់ពីរុស្ស៊ីបានចូលឈ្លានពានអ៊ុយក្រែនដែលបង្កើនការភ័យខ្លាចផ្នែកសន្តិសុខនៅទូទាំងតំបន់ ។
ប្រព័ន្ធបាញ់មីស៊ីល HIMARS ដែលផ្តល់ដោយសហរដ្ឋអាម៉េរិក និងសម្ពន្ធមិត្ត កំពុងត្រូវបានប្រើប្រាស់ដោយអ៊ុយក្រែន ក្នុងការប្រយុទ្ធជាមួយរុស្ស៊ី ។
មន្ទីរបញ្ចកោណបាននិយាយថា កញ្ចប់ដែលត្រូវបានអនុម័តសម្រាប់អេស្តូនីនឹងរួមបញ្ចូលរហូតដល់ប្រព័ន្ធគ្រាប់រ៉ុក្កែត M142 High Mobility Artillery Rocket System (HIMARS) រហូតដល់ 6 គ្រឿង គ្រាប់បែក សម្ភារជំនួយ គ្រឿងបន្លាស់ និងជំនួយបច្ចេកទេស ។
ការយល់ព្រមដាច់ដោយឡែកពីគ្នារបស់ក្រសួងការបរទេសក្នុងការលក់សក្តានុពលនៃមីស៊ីលពីអាកាសទៅអាកាសរយៈចម្ងាយមធ្យម និងឧបករណ៍ពាក់ព័ន្ធសម្រាប់ប្រទេសន័រវេសក្នុងកិច្ចព្រមព្រៀងដែលមានតម្លៃរហូតដល់ 950 លានដុល្លារ និងមីស៊ីលបាញ់ក្រោមទឹក MK 54 Lightweight Torpedoes ទៅកាន់កូរ៉េខាងត្បូងក្នុងតម្លៃប៉ាន់ស្មានចំនួន 130 លានដុល្លារផងដែរ ត្រូវបានផ្សព្វផ្សាយជាសាធារណៈកាលពីថ្ងៃសុក្រ ។
មន្ទីរបញ្ចកោណបាននិយាយថា ក្រុមហ៊ុន Lockheed Martin Corp គឺជាអ្នកម៉ៅការសំខាន់សម្រាប់ប្រព័ន្ធ HIMARS ។
ប្រភព ៖ Reuters