ទីភ្នាក់ងារព័ត៌មាន TASS បានរាយការណ៍នៅថ្ងៃអង្គារនេះ ដោយដកស្រង់សម្តីរបស់ក្រសួងការពារជាតិរុស្ស៊ីថា យន្តហោះទម្លាក់គ្រាប់បែកយុទ្ធសាស្ត្រ Tu-95MS ចំនួនពីរគ្រឿងបានធ្វើការហោះហើរលើសមុទ្រជប៉ុន ។
ក្រសួងការពារជាតិរុស្ស៊ីបាននិយាយថា ការហោះហើរមានរយៈពេលប្រហែលប្រាំពីរម៉ោង ហើយយន្តហោះរុស្ស៊ីត្រូវបានអមដោយយន្តហោះ F-16 របស់កូរ៉េខាងត្បូងនៅដំណាក់កាលខ្លះនៃផ្លូវហោះហើរ ។
យោធាកូរ៉េខាងត្បូងបាននិយាយថា យន្តហោះយោធារុស្ស៊ីបានចូលទៅក្នុងតំបន់ការពារដែនអាកាសរបស់ខ្លួនដោយគ្មានការជូនដំណឹងជាមុន នេះបើយោងតាមទីភ្នាក់ងារសារព័ត៌មានយ៉ុនហាប់ ។