ទីភ្នាក់ងារទិញអាវុធរបស់ទីក្រុងសេអ៊ូលបាននិយាយនៅថ្ងៃសៅរ៍នេះថា ក្រុមហ៊ុនកូរ៉េខាងត្បូងចំនួនពីរបានចុះហត្ថលេខាលើកិច្ចសន្យាតម្លៃ 5.76 ពាន់លានដុល្លារជាមួយប្រទេសប៉ូឡូញ ដើម្បីនាំចេញរថក្រោះ និងកាំភ្លើងធំ បន្ទាប់ពីទីក្រុងវ៉ារស្សាវីបានយល់ព្រមបង្កើនការនាំចូលអាវុធចំពេលមានភាពតានតឹងជាមួយរុស្ស៊ី នេះបើយោងតាមការចេញផ្សាយដោយសារព័ត៌មាន Reuters ។
កិច្ចសន្យាដែលត្រូវបានចុះហត្ថលេខាក្នុងប្រទេសប៉ូឡូញកាលពីថ្ងៃសុក្រគឺជាផ្នែកមួយនៃកិច្ចព្រមព្រៀងអាវុធដ៏ធំបំផុតមិនធ្លាប់មានរបស់កូរ៉េខាងត្បូងជាមួយប៉ូឡូញ ដែលបាននឹងកំពុងស្វែងរកការពង្រឹងកម្លាំងយោធារបស់ខ្លួនក្នុងការប្រឈមមុខនឹងការឈ្លានពានរបស់រុស្ស៊ីទៅលើប្រទេសអ៊ុយក្រែន ។
ក្រុមហ៊ុន Hyundai Rotem Co.នឹងបញ្ជូនរថក្រោះ K2 Black Panther ហើយក្រុមហ៊ុន Hanwha Defence នឹងបញ្ជូនរថក្រោះ K9 ទៅកាន់ប្រទេសប៉ូឡូញ ។