ប្រទេសកូរ៉េខាងជើងបានអនុញ្ញាតឱ្យពលរដ្ឋរបស់ខ្លួនដែលកំពុងស្នាក់នៅក្រៅប្រទេសត្រឡប់ទៅប្រទេសវិញ ក្រោយពេលដែលប្រទេសនេះបានបន្ធូរបន្ថយការរឹតបន្តឹងនៃមេរោគដ៏ធ្ងន់ធ្ងររបស់ខ្លួន។ នៅក្នុងសេចក្តីថ្លែងការណ៍ខ្លីមួយ ដែលធ្វើឡើងដោយប្រព័ន្ធផ្សព្វផ្សាយរដ្ឋ KCNA ទីស្នាក់ការការពារជំងឺរាតត្បាតគ្រាអាសន្នរបស់រដ្ឋ បាននិយាយថា អ្នកដែលត្រឡប់ទៅកាន់ប្រទេសកូរ៉េខាងជើង នឹងត្រូវដាក់ឱ្យនៅដាច់ពីគេរយៈពេលមួយសប្តាហ៍ សម្រាប់ការសង្កេតផ្នែកវេជ្ជសាស្ត្រ ។
កាលពីថ្ងៃអង្គារដើមសប្ដាហ៍នេះ យន្តហោះពាណិជ្ជកម្មកូរ៉េខាងជើងមួយគ្រឿងរបស់ក្រុមហ៊ុនអាកាសចរណ៍ air koryoបានចុះចតនៅទីក្រុងប៉េកាំងជាជើងហោះហើរអន្តរជាតិពាណិជ្ជកម្មដំបូងគេរបស់កូរ៉េខាងជើងដែលគេដឹងថា ចាកចេញពីប្រទេសក្នុងរយៈពេលប្រហែល ៣ កន្លះឆ្នាំ ។ យន្តហោះបានត្រឡប់មកពីទីក្រុងប៉េកាំងវិញនៅថ្ងៃក្រោយ ប៉ុន្តែគេមិនដឹងថាអ្នកណានៅលើយន្តហោះនោះទេ ។
កាលពីដើមខែសីហា ក្រុមអត្តពលិកតេក្វាន់ដូ និងមន្ត្រីកូរ៉េខាងជើងមួយក្រុមបានធ្វើដំណើរតាមផ្លូវគោកទៅកាន់ទីក្រុងប៉េកាំង ហើយបន្ទាប់មកបានហោះហើរទៅកាន់ប្រទេសកាហ្សាក់ស្ថាន ដើម្បីចូលរួមក្នុងការប្រកួតអន្តរជាតិមួយ ។
AP
