កម្ពុជារកចំណូលបានចំនួន 32.82 ពាន់លានដុល្លារពីការនាំចេញទៅអន្តរជាតិក្នុងរយៈពេល ៧ ខែដំបូងនៃឆ្នាំនេះ កើនឡើង 21.3 ភាគរយពីបើធៀបនឹងពេលវេលាដូចគ្នាកាលពីឆ្នាំមុន ។
របាយការណ៍របស់អគ្គនាយកដ្ឋានគយ និងរដ្ឋាករបានបង្ហាញថា ចាប់ពីខែមករា ដល់ខែកក្កដា កម្ពុជាបាននាំចេញទំនិញដែលមានតម្លៃ 13.78 ពាន់លានដុល្លារទៅកាន់ទីផ្សារបរទេស កើនឡើង 30.7ភាគរយ បើធៀបនឹងរយៈពេលដូចគ្នាកាលពីឆ្នាំមុន ។
ការនាំចូលសរុបរបស់ព្រះរាជាណាចក្រកម្ពុជាបានកើនឡើង 15.4 ភាគរយក្នុងអំឡុងពេលដូចគ្នានោះដែលមានតម្លៃប្រមាណ 19.05 ពាន់លានដុល្លារ។
របាយការណ៍បានគូសបញ្ជាក់ថា សហរដ្ឋអាម៉េរិកនៅតែជាទីផ្សារដ៏ធំបំផុតសម្រាប់ផលិតផលកម្ពុជា ដែលមានចំនួន 43 ភាគរយនៃការនាំចេញសរុបរបស់ព្រះរាជាណាចក្រកម្ពុជា ឬ 5.69 ពាន់លានដុល្លារអាមេរិក កើនឡើង 47.3 ភាគរយបើធៀបនឹងរយៈពេលដូចគ្នាកាលពីឆ្នាំមុន
របាយការណ៍បានបន្ថែមថា វៀតណាម ជាប់ចំណាត់ថ្នាក់លេខ 2 ខណៈចិនជាប់ចំណាត់ថ្នាក់ទី 3 ដោយបាននាំចូលផលិតផលពីកម្ពុជាចំនួន 1.32 ពាន់លានដុល្លារ និង 701 លានដុល្លាររៀងៗខ្លួន។
ស្ទើរតែ 50 ភាគរយនៃការនាំចេញទំនិញសរុបរបស់កម្ពុជាគឺ សម្លៀកបំពាក់ ស្បែកជើង បន្ទាប់មកគឺផលិតផលមិនមែនកាត់ដេរ និងផលិតផលកសិកម្ម ។
ប្រភព ៖ Office of Cambodian PM & AKP
