កម្ពុជាដែលជាប្រធានអាស៊ាន បានហៅការប្រហារជីវិតសកម្មជនគាំទ្រលទ្ធិប្រជាធិបតេយ្យបួននាក់របស់របបយោធាមីយ៉ាន់ម៉ាថា “ជារឿងគួរឱ្យស្អប់ខ្ពើម” ហើយបាននិយាយថា មីយ៉ាន់ម៉ាបានបង្ហាញពីការខ្វះខាតឆន្ទៈក្នុងការគាំទ្រកិច្ចខិតខំប្រឹងប្រែងសន្តិភាពរបស់ប្រទេសក្នុងតំបន់ នេះបើតាមការចុះផ្សាយសារព័ត៌មាន Reuters ។
ក្នុងសេចក្តីថ្លែងការណ៍មួយដែលចេញនៅថ្ងៃអង្គារ ទី២៥ ខែកក្កដា កម្ពុជាដែលជាប្រធានសមាគមប្រជាជាតិអាស៊ីអាគ្នេយ៍ឆ្នាំនេះបានថ្លែងថា ខ្លួនមានការសោកស្ដាយជាខ្លាំង និងមានការព្រួយបារម្ភយ៉ាងខ្លាំងចំពោះការប្រហារជីវិតនេះ ។ កម្ពុជាបាននិយាយថាការប្រហារជីវិតគឺជាការបរាជ័យមួយសប្តាហ៍មុនកិច្ចប្រជុំថ្នាក់រដ្ឋមន្ត្រីអាស៊ានចូលមកដល់ ។
